15 студзеня мы адзначым значную дату ў беларускай літаратурнай прасторы – 90-годдзе з дня нараджэння Янкі Сіпакова (Івана Данілавіча Сіпакова), пісьменніка, паэта, перакладчыка і культурнага дзеяча, чые творы і сёння знаходзяць водгук у сэрцах чытачоў.
Нарадзіўшыся ў 1936 годзе ў вёсцы Зубрэвічы Аршанскага раёна Віцебскай вобласці, Янка Сіпакоў прайшоў жыццёвы і творчы шлях, які цалкам адлюстроўвае трывалы дух беларускай літаратуры XX стагоддзя. Вайна забрала бацькоў – яны загінулі за сувязь з партызанамі. Гэты болем насычаны вопыт дапамагаў Сіпакову фармаваць уласную літаратурную пазіцыю, дзе чалавек, памяць і зямля заўсёды былі ў цэнтры ўвагі.
Пасля вайны ён сумяшчаў вучобу з працай, спачатку ў газеце, потым у БДУ, дзе вывучыў журналістыку. Пачынаючы з першых вершаў, надрукаваных яшчэ ў юнацтве, імкненне да шчырага ды адкрытага слова стала для яго не толькі творчай патрэбай, але і жыццёвым крытэрыем.
Як паэт ён быў сапраўдным лірыкам свайго пакалення. Яго зборнікі «Сонечны дождж», «Лірычны вырай», «Дзень», «З вясны ў лета», «У поўдзень, да вады», «Усміхніся мне» – гэта не толькі творы пра каханне, прыроду і чалавека, але і глыбокі дыялог з укладзенымі ў жыццё каштоўнасцямі, з памяццю пра цяжкасці і надзеі.
У 1976 годзе Янка Сіпакоў стаў лаўрэатам Дзяржаўнай прэміі БССР імя Якуба Купалы – узнагароды, якая падкрэслівае значнасць яго ўнёску ў беларускае літаратурнае поле, асабліва за паэтычны збор «Веча славянскіх балад».
Янка Сіпакоў быў не толькі паэтам. Ён таксама перакладаў творы класікаў суседніх літаратур. Такое мастацкае пераасэнсаванне чужых вобразаў на беларускую мову не толькі ўзбагачала наш літаратурны скарб, але і спрыяла пашырэнню культуры чытання.
Янка Сіпакоў – гэта прыклад творцы, які праз слова шукаў адказ на важныя пытанні чалавецтва: пра памяць, адказнасць, годнасць і будучыню, пра сувязь паміж пакаленнямі і любоў да роднай зямлі. Творы паэта – зусім не музейныя экспанаты, а жывыя сведчанні лёсу чалавека, што змагаўся за беларускасць і гуманнасць у кожным радку.
Падрыхтавана па матэрыялах адкрытых інтэрнэт-крыніц
