21 сакавіка 2023 года ў Рэспубліканскім цэнтры экалогіі і краязнаўства адбудзецца рэспубліканская канферэнцыя «Мая будучыня – геалогія». Мерапрыемства праводзіцца з мэтай павышэння прыродазнаўчага адукацыйнага ўзроўню навучэнцаў, фарміравання беражлівых адносін да прыроднай спадчыны роднага краю праз далучэнне іх да геалагічнага даследавання малой радзімы ў рамках рэспубліканскай акцыі «Я гэты край Радзімаю заву».
Для ўдзелу ў канферэнцыі навучэнцы праводзілі даследаванні геалагічных асаблівасцей па накірунках «Геалагічная спадчына малой радзімы» і «Ахова і рацыянальнае выкарыстанне прыроднай спадчыны краю».
Для папярэдняга адбору журы на рэспубліканскі этап былі прадстаўлены болей за 40 даследчых праектаў навучэнцаў. Для ўдзелу ў канферэнцыі адабраны 22 работы. Удзельнікі будуць абараняць свае даследчыя праекты ў анлайн-фармаце.
Пераможцы і прызёры канферэнцыі будуць узнагароджаны дыпломамі Міністэрства адукацыі Рэспублікі Беларусь, дыпломамі Рэспубліканскага цэнтра экалогіі і краязнаўства.
Больш падрабязна пра мерапрыемства чытайце тут.
НІА
па матэрыялах сайта https://rcek.by
ул. Короля, 16, 220004, г. Минск