У Беларускім дзяржаўным музеі гісторыі Вялікай Айчыннай вайны 25 чэрвеня – 22 ліпеня 2024 г. будзе працаваць часовая экспазіцыя пра подзвіг савецкіх тапографаў у гады вайны «Мы набліжалі Перамогу», прымеркаваная да 80-годдзя з дня вызвалення Беларусі ад нямецка-фашысцкіх захопнікаў.
Экспазіцыя раскажа пра тое, як тапаграфічныя атрады ў прыгранічных раёнах апынуліся ў эпіцэнтры ваенных дзеянняў, але не кідалі прыборы і матэрыялы, здымкі і завяршалі сваю работу, а некаторыя з іх нават папаўнялі партызанскія атрады на акупаванай тэрыторыі. У кароткі тэрмін тапографы змаглі мабілізаваць усе намаганні і прыступіць да выканання асноўных геадэзічных і картаграфічных работ агульнадзяржаўнага значэння. Укладам у разгром гітлераўскай арміі з'явіліся карты, геадэзічныя даныя для артылерыі, каардынаты мэт для дакладнага бамбакідання.
На часовай экспазіцыі прадстаўлены больш за 20 геадэзічных, фотаграметрычных, картаграфічных прыбораў і інструментаў, дзясяткі арыгінальных карт, кніг і брашур перыяду Вялікай Айчыннай вайны, а таксама фатаграфіі афіцэраў і радавых ваеннаслужачых, партызан падчас распрацоўкі планаў стратэгічных і лакальных баявых аперацый, унікальныя музейныя прадметы тапаграфічнага прызначэння.
Падрыхтавана па матэрыялах БЕЛТА
ул. Короля, 16, 220004, г. Минск