21 чэрвеня ў Беларусь прыбудзе ўнікальны перасоўны музей «Цягнік Перамогі».
Гэта інтэрактыўны музей, прысвечаны падзеям 1941–1945 гадоў. У складзе цягніка 10 тэматычных вагонаў, дзе прадстаўлены пераход ад аднаго гістарычнага эпізоду да іншага: перадваенныя гады – Вялікая Айчынная вайна – Перамога. Разам з героямі экспазіцыі наведвальнікі праходзяць шлях ад Гомеля да Масквы, ад Сталінграда да Берліна. У 2023 годзе музей быў дапоўнены новым вагонам аб ваенных трыбуналах над нацыстамі.
З дапамогай сучасных тэхналогій ствараецца эфект прысутнасці. У вагонах цягніка ўстаноўлены некалькі дзясяткаў відэапраектараў, больш за 140 мультымедыйных экранаў і каля двух дзясяткаў відэасцен, выкарыстоўваюцца тэхналогіі дапоўненай рэальнасці і аб'ёмны гук. Экскурсія праводзіцца з аўдыягідам, а ў адным вагоне адначасова могуць знаходзіцца не больш за 12 чалавек. Агульны час экскурсіі складае 45 хвілін.
Гісторыка-асветніцкі і грамадска-патрыятычны праект «Цягнік Перамогі» быў паспяхова рэалізаваны ў 2021-2022 гадах Беларускай чыгункай сумесна з Расійскай чыгункай, пры падтрымцы Адміністрацыі Прэзідэнта Рэспублікі Беларусь і Рэспубліканскага валанцёрскага цэнтра.
З 21 чэрвеня па 21 ліпеня 2024 г. перасоўны музей наведае 23 гарады ўсіх абласцей Беларусі і горада Мінска: Брэст (21 чэрвеня), Пінск, Лунінец, Баранавічы, Орша, Магілёў, Крычаў, Горкі, Віцебск, Полацк, Мінск, Маладзечна, Ліда, Гродна, Ваўкавыск, Салігорск, Слуцк, Асіповічы, Бабруйск, Жлобін, Калінкавічы, Рэчыца і Гомель. Маршрут «Цягніка Перамогі» ўлічвае знамянальныя і памятныя даты гісторыі Беларусі, а таксама тэхнічнай магчымасці інфраструктуры Беларускай чыгункі.
Падрыхтавана паводле інфармацыйнага партала
Федэрацыі прафсаюза Беларусі
вул. Караля, 16, 220004, г. Мінск