Рэспубліканскае грамадскае аб’яднанне «Сябры Вясёлкі» пры падтрымцы прадзюсерскага цэнтра «Агні вялікага горада», прадзюсерскага цэнтра «Зоркі Вясёлкі», творчай акадэміі «TALENT» і часопіса «Вясёлка» 12–14 студзеня 2016 года ў Нацыянальнай бібліятэцы Беларусі праводзіць фестываль-конкурс творчых калектываў «Калядная зорка – 2016».

Мэтай фестывалю з’яўляюцца выяўленне і падтрымка таленавітай моладзі, фарміраванне музычнай і сцэнічнай культуры, развіццё творчай індывідуальнасці навучэнцаў.

Фестываль-конкурс праводзіцца ў намінацыях:

  • «Інструментальнае выкананне»;
  • «Вакал» (ансамблі, малыя формы і салісты);
  • «Хор» (акадэмічны, народны);
  • «Танец» (ансамблі, малыя формы і салісты);
  • «Тэатр і літаратурная творчасць»;
  • «Цыркавое мастацтва»;
  • «Свет мастацкай творчасці і дызайну» (графіка, мастацкая фатаграфія, дэкаратыўна-прыкладное мастацтва);
  • «Свет моды».

Удзел у фестывалі-конкурсе могуць прыняць навучэнцы ўстаноў дадатковай адукацыі дзяцей і моладзі, дзіцячых школ мастацтваў, устаноў агульнай сярэдняй адукацыі, інтэрнатаў, дзіцячых дамоў, а таксама калектывы з іншых краін свету. Узрост удзельнікаў – ад 4 да 25 гадоў.

У межах конкурсу 14 студзеня 2016 года пройдзе бясплатны майстар-клас па эстрадным вакале і мастацкай творчасці. Уваход для гледачоў бясплатны пры ўмове наяўнасці дабрачынных падарункаў для выхаванцаў Сенненскай школы-інтэрната (канцтавары, сродкі гігіены).

Частка сродкаў, сабраных з фестывальнага збору, будзе перададзена дабрачынным сертыфікатам ў Сенненскую школу-інтэрнат.

З падрабязнай інфармацыяй аб правядзенні конкурсу можна азнаёміцца на сайтах «Вясёлка» і «Зоркі Вясёлкі».

НІА
па матэрыялах сайта «Вясёлка»