Свірыдзенка Вольга Іванаўна,
дацэнт кафедры беларускага і рускага мовазнаўства факультэта пачатковай адукацыі Беларускага дзяржаўнага педагагічнага ўніверсітэта імя Максіма Танка, кандыдат педагагічных навук, дацэнт.
Цірынава Вольга Ігараўна,
вядучы навуковы супрацоўнік лабараторыі пачатковай адукацыі Нацыянальнага інстытута адукацыі, кандыдат педагагічных навук, дацэнт.
Новы вучэбна-метадычны комплекс «Навучанне грамаце. I клас»: асноўныя і дадатковыя кампаненты
У 2021/2022 навучальным годзе першыя класы ўстаноў агульнай сярэдняй адукацыі з беларускай мовай навучання працуюць па новым вучэбна-метадычным комплексе «Навучанне грамаце».
Новая вучэбная праграма па вучэбным прадмеце «Навучанне грамаце» для I класа ўстаноў агульнай сярэдняй адукацыі з беларускай мовай навучання, якая зацверджана Міністэрствам адукацыі Рэспублікі Беларусь (2021), захоўвае структураванне асноўных змястоўных ліній па раздзелах: навучанне чытанню; навучанне пісьму; пазакласнае чытанне; развіццё маўлення.
