Працягваецца прыём работ на конкурс фатаграфіі «Мой Максім Багдановіч», арганізатарам якога выступіў Літаратурны музей Максіма Багдановіча.

Сярод мэт мерапрыемства ‒ павышэнне ўзроўню цікавасці да творчасці і асобы Максіма Багдановіча; развіццё творчага патэнцыялу і актыўнасці ўдзельнікаў; папулярызацыя беларускай мовы і літаратуры; далучэнне да спасціжэння глыбінь нацыянальнай культуры і духоўных скарбаў беларускага народа.

Да ўдзелу ў конкурсе запрашаюцца ўсе жадаючыя з дакументальнымі і мастацкімі фотаработамі ў адпаведнасці з наступнымі тэмамі:

• мясціны, звязаныя з Максімам Багдановічам;
• мастацкае прачытанне твораў Максіма Багдановіча;
• асацыятыўны партрэт Максіма Багдановіча.

Творы прымаюцца ў электронным альбо раздрукаваным выглядзе да 31 кастрычніка 2016 года ўключна.

Пераможцаў вызначае журы. Лепшыя фотаработы будуць размешчаны на адпаведнай выставе і на сайце Літаратурнага музея Максіма Багдановіча.

З патрабаваннямі да конкурсных работ і кантактнай інфармацыяй арганізатара можна азнаёміцца ў Палажэнні аб правядзенні конкурсу.

Падрыхтавала Арына Гардзей,
студэнтка 1 курса факультэта журналістыкі
Інстытута журналістыкі БДУ 

па матэрыялах сайта http://bagdanovich.by/