Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі, Цэнтральная навуковая бібліятэка імя Якуба Коласа і канал «Культура» Беларускага радыё запрашаюць прыняць удзел у Рэспубліканскай дыктоўцы па беларускай мове, прымеркаванай да Міжнароднага дня роднай мовы.
Дыктоўка адбудзецца 21 лютага 2025 г. з 13:00 да 14:00 у рэжыме анлайн-трансляцыі на Youtube-канале Інстытута мовазнаўства імя Якуба Коласа. Плануецца таксама прамая трансляцыя дыктоўкі на канале «Культура» Беларускага радыё.
Для ўдзелу ў мерапрыемстве трэба прайсці рэгістрацыю па спасылцы. Таксама пісаць дыктоўку можна на спецыяльным тэматычным бланку, падрыхтаваным Інстытутам мовазнаўства імя Якуба Коласа.
Падтрымка і захаванне роднай мовы з’яўляецца важным элементам культурнай спадчыны і ідэнтычнасці беларускага народа. Удзел у падобных акцыях і мерапрыемствах, прысвечаных Міжнароднаму дню роднай мовы, спрыяе ўмацаванню любві да роднай мовы, разуменню яе важнасці і ролі ў грамадстве.
Па матэрыялах сайта Інстытута мовазнаўства імя Якуба Коласа
16, Korolya Street, Minsk, 220004