14 ліпеня 2025 года ў Нацыянальным цэнтры мастацкай творчасці дзяцей і моладзі адбудзецца ўрачысты паўфінал рэспубліканскага конкурсу юных чытальнікаў «Жывая класіка».
Сёлета творчы праект прысвечаны 80-годдзю Вялікай Перамогі і аб'ядноўвае таленавітых дзяцей і моладзь з усіх куткоў нашай краіны.
У гэтым годзе за права выступіць у фінале будуць змагацца 28 лепшых удзельнікаў – пераможцы рэгіянальных адборачных тураў. Юныя чытальнікі прадэманструюць сваё майстэрства, выконваючы творы беларускай класічнай літаратуры, у тым ліку творы, прысвечаныя тэме Вялікай Айчыннай вайны.
Фінал конкурсу, які стане адной з цэнтральных падзей Дня беларускага пісьменства, адбудзецца ў верасні. Менавіта тады будуць вызначаны абсалютныя пераможцы.
«Жывая класіка» – гэта значная ініцыятыва, якая спрыяе выхаванню патрыятызму праз мастацкае слова, папулярызацыі беларускай літаратурнай спадчыны, развіццю аратарскага майстэрства ў дзяцей і моладзі.
Падрыхтавана паводле сайта https://nchtdm.by
16, Korolya Street, Minsk, 220004