У Мсціславе прайшоў конкурс прафесійнага майстэрства «MstislavlSkills–2024», удзельнікамі якога сталі вучні ўстаноў агульнай сярэдняй адукацыі некалькіх раённых цэнтраў – Мсціслава, Чавус, Горак і Краснаполля.
Конкурс з'яўляецца адным з прафарыентацыйных мерапрыемстваў Мсціслаўскага дзяржаўнага будаўнічага каледжа. Яго мэта – пазнаёміць моладзь са спецыяльнасцямі, якія можна атрымаць у МДБК, а таксама прыцягнуць у каледж студэнтаў.
Маладым людзям было прапанавана стаць удзельнікамі конкурсу па некалькіх кампетэнцыях, такіх як «Электрамантаж», «Цагляная муроўка», «Кіраванне машынна-транспартнымі сродкамі».
Для вучняў – гасцей прафмерапрыемства – прадстаўнікі каледжа правялі квэст-гульню. Выпускнікі ўстаноў адукацыі раёна з задавальненнем кіравалі трактарам, грузавіком, выконвалі пагрузку бетоннага блока аўтакранам.
Па выніках конкурсу пераможцы ў кожнай кампетэнцыі былі ўзнагароджаны прызамі і дыпломамі.
Падрыхтавана па матэрыялах сайта https://mstlife.by
16, Korolya Street, Minsk, 220004