Print
Category: Праздники и знаменательные даты

Гадавіна ўступлення ў сілу Статута Арганізацыі Аб'яднаных Нацый – 24 кастрычніка 1945 года – адзначаецца як Дзень ААН. Святкуецца пачынаючы з 1948 года.

Статут быў падпісаны 26 чэрвеня 1945 года прадстаўнікамі 50 краін. Польшча, не прадстаўленая на Канферэнцыі, падпісала яго пазней і стала 51-й дзяржавай-заснавальнікам.

Арганізацыя Аб'яднаных Нацый афіцыйна існуе з 24 кастрычніка 1945 г., да гэтага дня Статут быў ратыфікаваны Вялікабрытаніяй, Кітаем, Савецкім Саюзам, Злучанымі Штатамі Амерыкі, Францыяй і большасцю іншых краін, якія яго падпісалі.

Па традыцыі, гэты дзень адзначаецца правядзеннем розных публічных мерапрыемстваў – нарад, дыскусій, выстаў, прысвечаных дасягненням і мэтам арганізацыі.

У 1971 г. Генеральная Асамблея ААН рэкамендавала дзяржавам-членам адзначаць Дзень Арганізацыі Аб'яднаных Нацый як дзяржаўнае свята.

Большасць з нас чула пра дзейнасць ААН, звязанай з падтрыманнем міру або аказаннем гуманітарнай дапамогі. Аднак далёка не заўсёды і не так добра вядома пра многія іншыя аспекты яе дзейнасці, якія ўплываюць на наша жыццё.

Арганізацыя Аб'яднаных Нацый з'яўляецца цэнтрам вырашэння праблем, з якімі сутыкаецца ўсё чалавецтва. Гэта дзейнасць ажыццяўляецца сумеснымі намаганнямі больш за 30 звязаных з ёй арганізацый, якія складаюць сістэму ААН. З дня ў дзень яны вядуць работу па захаванню правоў чалавека, ахове навакольнага асяроддзя, барацьбе з хваробамі і скарачэнню маштабаў жабрацтва. Установы ААН распрацоўваюць нормы і правілы бяспечных і эфектыўных паветраных зносін і спрыяюць удасканаленню тэлекамунікацый і абароне інтарэсаў спажыўцоў. Арганізацыя Аб'яднаных Нацый і яе ўстановы з'яўляюцца ініцыятарамі міжнародных захадаў па барацьбе з абаротам наркотыкаў і тэрарызмам, аказваюць дапамогу бежанцам, ажыццяўляюць праграмы размініравання.

Колькасць дзяржаў-членаў ААН складае 192 краін.

Дзень Арганізацыі Аб'яднаных Нацый уваходзіць у Тыдзень Арганізацыі Аб'яднаных Нацый, які праводзіцца з 20 па 26 кастрычніка. Святочныя мерапрыемствы Дня ўключаюць сустрэчы, сходы, дыскусійныя круглыя сталы, выставы. Традыцыйна ў Дзень Арганізацыі Аб'яднаных Нацый Генеральны сакратар ААН звяртаецца да сусветнай супольнасці з пасланнем, а ў зале Генеральнай Асамблеі праводзіцца міжнародны канцэрт. Часам ладзяцца адмысловыя мерапрыемствы, на якіх члены Арганізацыі Аб'яднаных Нацый з дапамогай электронных сродкаў камунікацыі звязваюцца з рознымі гарадамі свету і праводзяць тэлемасты.

Беларусь з'яўляецца адной з заснавальнікаў Арганізацыі Аб'яднаных Нацый: беларуская дэлегацыя ў ліку іншых дэлегацый – прадстаўнікоў першапачатковых членаў ААН падпісала ў кастрычніку 1945 года ў Сан-Францыска Статут ААН. Прыняцце Беларусі ў створаную глабальную арганізацыю стала прызнаннем міжнароднай супольнасцю найвялікшага ўкладу, які ўнёс беларускі народ у перамогу над фашызмам у Другой сусветнай вайне.

НІА
па матэрыялах сайта ААН https://www.un.org/ru/