Як ажываюць вобразы… Францішка Багушэвіча, Яна Баршчэўскага, Вікенція Равінскага, Яна Чачота, Пранціша Вуля, Янкі Лучыны, Уладзіслава Сыракомлі?

Пра таямніцы рэANIMAцыі раскажуць лаўрэаты конкурса «Слаўная кампанія: рэANIMAцыя» – аўтары новых біяграфічных твораў, прысвечаных пісьменнікам ХІХ стагоддзя.

Гэтыя творы яшчэ не трапілі ні ў часопіс «Маладосць», ні ў кнігарню «Маладосць», але былі напісаны дзякуючы конкурсу, які праводзіўся часопісам па ініцыятыве і ў супрацоўніцтве з кафедрай гісторыі беларускай літаратуры БДУ.

Такіх твораў варта было чакаць! Такую сустрэчу нельга прапусціць!

 

У праекце «Маладосць & Маладосць»  23 студзеня з 16:00 да 17:00  у кнігарні «Маладосць» на Багдановіча, 68.

 

P.S. Цырымонія ўзнагароджвання лепшых адбудзецца на ХХVI Мінскай міжнароднай кніжнай выставе.

 

Рэдакцыя часопіса «Маладосць»