З 11 сакавіка 2024 года ў Музеі сучаснай беларускай дзяржаўнасці працуе выставачны праект, прысвечаны 30-годдзю прыняцця Канстытуцыі Рэспублікі Беларусь.
На выставе дэманструюцца арыгінальныя экзэмпляры Канстытуцыі Рэспублікі Беларусь розных гадоў, а таксама друкаваныя выданні са збораў Прэзідэнцкай бібліятэкі Рэспублікі Беларусь, Нацыянальнага архіва Рэспублікі Беларусь, Нацыянальнага гістарычнага музея.
Канстытуцыя краіны ўвасабляе ў сабе гістарычны вопыт станаўлення дзяржаўнасці, дэманструе права народа самастойна вызначаць свой шлях сярод сусветнай супольнасці. Матэрыялы выставы паказваюць асноўныя палажэнні, ролю і месца ў сістэме дзяржаўнага ладу краіны дзеючай Канстытуцыі Рэспублікі Беларусь, пацвярджаюць прынцыпы вяршэнства права, захавання правоў чалавека, дэмакратычнага парадку фарміравання органаў улады.
Гэты выставачны праект прысвечаны Дню Канстытуцыі Рэспублікі Беларусь і адлюстроўвае храналогію падрыхтоўкі і прыняцця Канстытуцыі краіны, змяненняў і дапаўненняў у яе ў сувязі з палітычнымі, сацыяльна-эканамічнымі і культурнымі зменамі.
Падрыхтавана паводле матэрыялаў сайта БЕЛТА
16, Korolya Street, Minsk, 220004